Fatih Terim "Milan" və "Fiorentina"nın baş məşqçisi olacaq?
 Stefano Borqonoya yardım üçün matç keçirəcək “Fiorentina” və “Milan” klubları, bu matçda Fatih Terimi komandaların baş məşqçisi kimi görmək istədiklərini bildiriblər


İtaliyanın “Fiorentina” və “Milan” klubları Türkiyə milli komandasının baş məşqçisi Fatih Terimə böyük jest ediblər. Xəstəliyə tutulmuş futbolçuları Stefano Borqonoya yardım üçün matç keçirəcək “Fiorentina” və “Milan” klubları, bu matçda Fatih Terimi komandaların baş məşqçisi kimi görmək istədiklərini bildiriblər və onu İtaliyaya dəvət ediblər. Oktyabrın 8-də Bakı vaxtı ilə 23:30-da Florensiyanın “Artemio Françi” stadionunda keçiriləcək və bütün gəliri xəstələrinə dəstək üçün S.Borqonovoya veriləcək yardım matçının birinci hissəsində “Milan” və “Fiorentina”nın heyətində bu mövsüm çıxış edən futbolçular oynayacaq. İkinci hissədə isə klub tarixində iz qoymuş məşhur ulduzlar çıxış edəcək. Dünya Çempionatı 2010-un seçmə mərhələsi çərçivəsində Bosniya Hersoqovina ilə keçirəcəkləri matç öncəsində aldığı bu dəvətin mənalı olduğunu bilidirən Fatih Terim, "Ölkəm və mənim üçün böyük qürurdur. Baş məşqçisi olduğum hər iki klubun 1 hissə məşqçisi olacam. Belə xeyirli işlərdə iştirak etmək insanlıq vəzifəmizdir. Qarşıda Bosniya millisi ilə vacib matçımız var amma bu dəvəti qəbul etmişəm, orda olacağıma söz vermişəm " deyə bildirib

Qeyd edək ki, 1981-ci ildə İtaliyanın “Komo” klubunda futbola başlayan Stefano Borqonovo 1988/89, 1990/91 və 1991/92 mövsümlərində “Fiorentina”nın 1989/90 mövsümündə isə “Milan”ın heyətində çıxış edib. 12 il öncə futbola vida edən 44 yaşlı S.Burqunovo, sentyabrın əvvələrində italyan mətbuatına SLA xəstəliyinə tutulduğunu açıqlamışdı. Xəstəliərə yardım üçün yaradılmış Borqonovo dərnəyinə “Milan” və “Fiorentina” klubları dəstək vermişdilər. S.Borgonovoya yardım üçün keçirələcək matçda “Milan”ın heyətində Kostakurta, Albertini, Baresi, Quillit, Raykard, Donadoni, Evani, Fuser, Sacci, Simone və Massaro, kimi məşhur futbolçular da iştirak edəcək. “Fiorentina”nın heyətində isə Baccio, Antonioni, Branka, Nappi, Salvatori, Lakatus, Maziniyo, Orlando, Pioli, Pelleqreni, Lazaroni və Toldo kimi ulduzlar iştirak edəcək./ANS PRESS/