Sizin Yeni Həyatınız

Dünya futbolunun əfsanəvi klublarından biri – «Milan»ın bütün oyunçularının orijinal geyimləri Bakıda hərraca çıxarılacaq

yeni-heyat — Fri, 24 Oct 2008 10:03:26 GMT

Dünya futbolunun əfsanəvi klublarından biri – «Milan»ın bütün oyunçularının orijinal geyimləri Bakıda hərraca çıxarılacaq
xərrac oktyabrın son günlərində təşkil olunacaq

Oktyabrın sonundan etibarən «Milan Junior Camp» kampaniyası çərçivəsində Bakıda bağlı xeyriyyə hərracı olacaq. Day.az informasiya agentliyi xəbər verir ki, hərraca «Milan»ın əfsanəvi oyunçuları – Paolo Maldini, Andrey Şevçenko, Filippo İndzaqi, Kaxa Kaladze və Cennaro Qattuzonun geyimləri çıxarılacaq. Əldə olunan gəlir Bakının Suraxanı rayonundakı 7 saylı internat məktəbinin bank hesabına köçürüləcək. /ANS PRESS/

Meksikanın paytaxtında 13-cü illik təlxək qurultayına start verilib

yeni-heyat — Thu, 23 Oct 2008 10:42:17 GMT

Meksikanın paytaxtında 13-cü illik təlxək qurultayına start verilib
Dörd günlük qurultayda ABŞ və Mərkəzi Amerikadan olan təlxəklər iştirak edəcək

Meksikanın paytaxtı Mexikoda 13-cü illik təlxək qurultayına start verilib. Bu məqsədlə yüzlərlə təlxək Mexiko şəhərinə toplaşıb. Tədbirin təşkilatçısı Tomas Morales təlxəklərin cəmiyyətdəki rolundan danışaraq bu peşə sahiblərinin uşaqlar mövcud olduğu qədər öz aktuallığını itirməyəcəyini qeyd edib. Qurultayın ilk günü münasibətilə isə bütün təlxəklər xatirə şəkli çəkdiriblər. Qeyd edək ki, qurultay 4 gün davam edəcək və tədbirdə Amerika Birləşmiş Ştatları və Mərkəzi Amerikadan olan təlxəklər iştirak edəcək. /Assiciated Press

Almaniyada Stradivarinin skripkası oğurlanıb

yeni-heyat — Wed, 22 Oct 2008 19:10:34 GMT

Almaniyada Stradivarinin skripkası oğurlanıb
Ölkənin şimalındakı evlərdən birindən oğurlanmışskripkanın dəyəri 4 milyon dollardır

lmaniyada Stradivarinin 4 milyon dollar dəyərində olan skripkası oğurlanıb. Oğurluq Almaniyanın şimalında-Hannover yaxınlığındakı yaşayış məntəqəsindəki evlərdən birində baş verib.
Skripka ilə yanaşı gümüş şamdanlar, rəsməsərləri və medallar da oğurlanıb. Oğurluğun olduğu evdə hər il klassik musiqi festivalı keçirilir. /ANS PRESS/

Devid Bekhem "Milan"a gəlir

yeni-heyat — Wed, 22 Oct 2008 19:01:12 GMT

Devid Bekhem "Milan"a gəlir
İtaliyanın “Milan” klubunun vitse-prezidenti Qalliyani, SKY-a verdiyi açıqlamada Devid Bekhemin yanvarda “Milan”da olacağını rəsmi şəkildə bəyan edib

İtaliyanın “Milan” klubunun vitse-prezidenti Qalliyani, SKY-a verdiyi açıqlamada Devid Bekhemin yanvarda “Milan”da olacağını rəsmi şəkildə bəyan edib: "Bekhem yanvarda “Milan”da məşqə çıxıb, bizimlə oynamaq istəyir. Biz də onu istəyirik. Yanvarda bura gələndə mövsümün sonuna kimi müqavilə imzalatmaq istəyirik. Bu reklam xatirinə edilmiş razılıq deyil, möhtəşəm bir transfer olacaq. Ançelotti ondan həm A seriyasında həm də UEFA Kubokunda faydalana biləcək. Hazırda futbol yalnız texnika və taktikadan ibarət deyil. Muasir futbol yalnız texnika və taktikadan ibarət deyil. Dolu stadionlar və yaxşı sponsorlar lazımdır. Bazar günü oyunumza gələn 65 min adamı heç kim məğlub edə bilməz. Stadionları doldurmaq üçün Bekhem kimi ulduzlar lazımdır. Ronaldinyo və Kakanı da nəzərə alsaq, röya kimi bir komanda olacağıq."
Qeyd edək ki, ulduz futbolçu hazırda ABŞ-ın “LA Qalaksi” komandasında çıxış edir./ANS-PRESS/

Almaniyada bir qadının altı uşağı olub Körpələrdən dördü qız, ikisi isə oğlandır

yeni-heyat — Tue, 21 Oct 2008 17:03:15 GMT

Almaniyada bir qadının altı uşağı olub
Körpələrdən dördü qız, ikisi isə oğlandır

Almaniyanın paytaxtı Berlində bir qadının altı uşağı olub. Xəstəxanadan verilən məlumata görə, uşaqlardan 4-ü qız, 2-si isə oğlandır. CNN Türk-ün məlumatına görə, körpələrin səhhəti normaldır. Yeni doğulmuş çağaların çəkisi 800 -900 qramdır.
Xəstəxananın müdiri professor Ulrix Fray ananın və körpələrin istirahətə ehtiyacı olduğunu bildirib. Qeyd edək ki, dünyada altı uşağın anadan olması ehtimalı 4 il 4 ayda bir dəfə (4,7 milyarddan 1 nəfər) hesablanır. Almaniyada sonuncu dəfə 1986-cı ildə Münhen şəhərində altı uşaq andan olmuşdu. Ancaq ana və körpələrdən biri daha sonra ölmüşdü. /ANS PRESS/

Ruhlar haradadır? Qiyamət gününədək ruh ruhlar aləmində öz həyatını davam etdirir

yeni-heyat — Tue, 21 Oct 2008 16:41:00 GMT

Ruhlar haradadır?
Qiyamət gününədək ruh ruhlar aləmində öz həyatını davam etdirir

Bizləri əhatə edən aləm iki hissədən ibarətdir. Biri - təbiət aləmidir. Planetlər, dağlar, bitkilər, heyvanlar, bütün maddi varlıqlar bu aləmə aiddir. Digər aləm isə fövqəltəbii aləmdir. Qeyb aləminə aid varlıqlar, o cümlədən də mələklər bu sırada yer alır. İnsan - bu iki aləmi özündə cəmləşdirən unikal bir varlıqdır. Allah insanı bir tərəfdən maddi aləmdən xəlq edib, digər tərəfdənsə öz ruhundan üfürərək ona ruh əmr edib.

Ölüm
Allah ana bətnində rüşeymə ruh verib onu insan edir. Lakin bir gün dünyaya göz açan kimsə, bir gün də bu fani dünya ilə vidalaşır: «Harada olursunuz-olun, hətta uca qalalar içərisində olsanız belə, ölüm sizi haqlayacaq». («Nisa» surəsi, ayə 78). Ölümüylə insanın ruhu onun bədəni ilə əlaqəsini kəsir, amma yox olmur! İnsan, sadəcə, bu dünyadan o biri dünyaya köçür. Qarşıda isə onu axirət həyatı gözləyir. Qiyamət günündə kimisi əbədi səadətə - Cənnətə, kimisi isə əbədi bədbəxtliyə - Cəhənnəmə vəsiqə alır…

orpağa tapşırılandan sonrakı həyat
İnsanın fiziki cəsədi yerə tapşırılır və bir müddət sonra çürüyüb torpağa qarışır. Lakin ruh yox olmur və ruhlar aləminə qovuşur. Həmin ruhlar dünyası Bərzəx adlanır. Qiyamət gününədək də ruh həmin ruhlar aləmində öz həyatını davam etdirir. Öz dünyadakı cismi ilə əlaqəsi kəsilsə də, bərzəxdəki ruhların bu dünya ilə əlaqələri tam kəsilmir. Onlar hətta bəzən insanlarla təmasa da girir…

Məni mən edən ruhdur!
Bu dünyada insanın həyat sürməsi fiziki bədənə malik olmasıyla şərtlənir. Amma insanı İNSAN edən ilk növbədə RUHdur! İnsanın bütün fəaliyyətləri məhz ruhdan irəli gəlir. İnsanın bədəni sanki bir maşın, ruhu isə sükan arxasında oturan sürücüdür. Sürücü sükanı hara fırlatsa, maşın da o istiqamətə yönələcəkdir. Hər birimiz üçün bir «MƏN» anlayışı var. Oturanda da, duranda da, yol gedəndə də, hətta yuxu görəndə də həmin «MƏN»i duyuruq, yaşadırıq. MƏNimizi MƏN edənsə məhz bizim RUHumuzdur!

Vəsvəsə və ruhun cavabı…
Şeytan da məhz insanın ruhuna vəsvəsə salır. Ruhunun qapısını şeytanın üzünə açanlar tam olaraq bu vəsvəsəyə uyur, şeytanın hiyləsinə aldanır, onun çağırışına müsbət cavab verir və öz ruhunu şeytana yuva edir. Şeytanın hakim olduğu ruh isə daim təşviş hissi keçirər, insana çirkin işləri görməyi əmr edər, belə bir ruhdan mənəviyyatsız əməllər, davranışlar hasil olar. Şeytan səy göstərir ruhu maddiyyata tabe etsin, insan nəfsini maddiyyat çərçivəsinə sürükləsin. İnsanın ruhu pak olanda Allahın himayəsində olur və şeytan ona yaxın düşə bilmir. Ruhların digər ruhlara - insanlara təsiri də var. Müsbət ruh - tərəqqiyə yönəldər, mənfi ruh isə tənəzzülə sürükləyər. Bu isə baxır kimin hansı ruhun təsiri altına düşməsinə…

Ruh bədəndən başqa bədənə keçirmi?
Bəzi inanclara görə, insan öldükdən sonra onun ruhu başqa bir bədənə keçir. Bu zaman guya ölənin ruhu ana bətnindəki rüşeymə keçir və yenidən başqa bir adam kimi dünyaya gəlir, bir daha uşaq, gənclik və qocalıq dövranını yaşayır, yenidən ölür. Sonra bu hal yenə və yenə də təkrarlanır. Guya sonsuzluğadək ruh bir bədəndə ölüb, digərinə keçir. Bütün bu fikirlər İlahi dinlərə görə cəfəngiyatdır! Üstəlik, belə bir inanc insanı dindən çıxarır. Belə ki, axirət həyatına iman bütün İlahi dinlərin başlıca prinsiplərindəndir. Hər bir insan bu dünyada öz ruhu ilə yalnız bir kərə yaşayır və bu həyatına görə də öz aqibətini təyin edir. Bir ruhla bir neçə şəxsiyyəti təsəvvür etmək mümkünsüzdür. Hər insan özü üçün müstəqil bir şəxsiyyətdir. Və öz şəxsi həyatına görə də məsuliyyət daşıyır. Bizim hər birimiz ayrılıqda məhz ÖZümüzün həyatımıza görə cavabdehik! Bərzəxdə və Qiyamətdə də yalnız yaşadığımız bu həyatımıza görə sorğu-sual ediləcəyik.

Ölü ilə rabitə
Ruhlar bir-biri ilə də təmasa girə bilirlər. İmanlı insanların bir-birinə bağlılığı, doğmalığı, Allahın buyurduğu kimi, bir-biriylə qardaş olması, əslində, ruhlarının bir-birinə bağlılığı və doğmalığıdır. Ruhən saf olan insanlar bir-biriylə ruhani bir yaxınlıq hiss edir, bir-birləri ilə təmasdan zövq alırlar. Ruhən çirkaba bulaşan insanlar da bir-birinə ruhani bir bağla bağlanırlar. Necə deyərlər, hər kəs öz tayını tapır…
Qeyd edək ki, hipnotizmin özü də bir növ insanın ruhi ilə təmasdır. Amma ruhların təması yalnız diri insanlar arasında olmur. Dünyasını dəyişən insanların da ruhlarıyla təmas mümkündür. Axı insan dünyasını dəyişdikdə yox olmur, onun ruhu öz həyatını bərzəx aləmində davam etdirir. Ruh ölmür! Bərzəxdəki ruhlarla da əlaqə mümkündür. Məsələn, namaz qılanlar hər namazın sonunda Məhəmməd Peyğəmbəri (s.ə.s.) salamlayıb deyirlər: «Allahın salamı, mərhəməti və bərəkəti olsun Sənə, ey peyğəmbər!». Peyğəmbər bu salamı eşitmirsə, onda milyonlarla müsəlman boş yerəmi gündə 5 dəfə onu salamlayır? Quranda da buyrulduğu kimi, salamın cavabını vermək vacibdir. Elə isə Peyğəmbərimiz salamlarımızı cavabsız qoyarmı? Əlbəttə ki o bizimlə ruhani bir təmasda salamlaşır, salamımızı alıb, onu cavablandırır…

Ölülər eşidirmi?..
Burada belə bir sual yarana bilər: «Ölülər də eşidir ki?..». Ölü olaraq dünyasını dəyişən insanın cəsədini qəbul etsək, əlbəttə ölülər eşitməz! Onların cismani varlığı öz həyatını bitirib, orqanlarının fəaliyyətinə xitam verilib. Amma ruh ölməzdir, ölü deyil ki onun eşidə bilməsini qeyri-mümkün hesab edək. Ruhlar, əlbəttə, eşidə, hətta cavab da verə bilər. Məhəmməd Peyğəmbərdən (s.ə.s) nəql olunan bir hədisdə deyilir ki, Peyğəmbər Bədr döyüşündə öldürülən kafirlərə üz tutub, danışır. Səhabələri «Ya rəsulallah, axı onlar ölüdürlər, məgər səni eşidirlərmi?» - deyə soruşduqda isə Peyğəmbərimiz onların həqiqətən də eşitdiklərini buyurur. Eşidən isə, heç şübhəsiz, ölü deyil, diri olan ruhdur! Tarixdə ruhlarla təmasa girən çoxlu insanlar haqda məlumatlar var. Əlbəttə, onların hamısı həqiqətə uyğun olmasa da, bir çoxları həqiqətdir. Məsələn, böyük ariflərdən biri olan Seyid Əli Qazinin dünyasını dəyişdikdən sonra da öz tələbəsinə ruhani varlığıyla dərs keçdiyi məlumdur.

Medium fenomeni
Bir sıra insanlar ruhlarla təmasa girdiyini iddia edir. Təcrübə göstərir ki, bu insanların çoxu yalan danışır və bu yolla fırıldaqçılıq edib, pul qazanırlar. Sadəlövh insanları aldadıb, guya yaxınlarının ruhunu çağırıb, onlardan nələrsə soruşurlar. Amma ümumilikdə isə ölən insanların ruhunu çağırmaq, onlarla ünsiyyətə girmək mümkündür. Dünyasını dəyişən insanların diri (!) ruhlarıyla təmasa, ruhani ünsiyyətə girənlər də az deyil. Bu, həm yuxuda ola bilər, həm də oyaq halda. Xüsusi vasitələrlə ruhani təmas yarandıqda, doğrudan da, ruhlarla əməlli-başlı söhbət etmək olar!..

Ruhlar özlərini necə hiss edir?
İnsan o biri dünyasının aqibətini bu dünyada ikən özü qurur: Allahla yaşayanın ruhu bərzəxdə sevinc içində, Allahdan uzaq olanların ruhu isə əziyyət içində olur. Ümumilikdə, kimin cənnətlik, kiminsə cəhənnəmlik olması bu dünyadakı əməllərimizlə şərtlənir. Amma bərzəx aləmindəki ruhların halına az da olsa, təsir etmək olar. Məsələn, vəfat edən birisinin övladları, yaxınları Allah yolunda xeyir bir iş görsələr, sədəqə versələr, ehtiyaclılara ehsanlar etsələr və bu işlərin savabını dünyasını dəyişən valideynlərinə ithaf etsələr, onların ruhunu şad etmiş olarlar. Həmçinin də Allahdan mərhum üçün bağışlanma və ruhunun şad olmasını diləsələr, Allah bu duaları qəbul edər. Lakin bu o demək deyil ki cəhənnəmlik birisi bu işlərlə cəhənnəmdən xilas olar. Amma hər halda, zindanda olana dadlı yeməklər göndərdikdə, onlar zindandan xilas olmasalar da, müəyyən mənada könülləri xoş olduqları kimi, dünyasını dəyişən belələrinin də ruhları şad olar.

Təmtəraqlı məzar daşları…
Bəziləri ad-san üçün külli miqdarda pul xərcləyib, təmtəraqlı məzar daşları, büstlər, qəbiristanlıq sarayları və s. düzəldir, halbuki bütün bunlardan vəfat edənin ruhuna zərrə qədər də fayda olmaz! Belə isə dünyadan köçmüşlərimiz üçün dualar edək, onlara ithaf olaraq ehtiyaclılara əl tutaq, sədəqə verək və mərhumlarımızın ruhlarını şad edək. Amma onu da deyək ki, dünyadan müşrik və kafir kimi gedənlərə bütün bu savablardan heç bir pay yoxdur. Belələri üçün dua etməyin də faydası olmaz. Onlar Allahsız həyatlarıyla özlərini bütün bu imtiyazlardan, Allahın rəhmətindən məhrum ediblər… Bir şeyi də qeyd edək ki, insanlar bu dünyada ikən o biri dünyaya davamlı azuqə də hazırlaya bilər. Məsələn, birisi Allah yolunda məscid, məktəb, xəstəxana, körpü, yol və bu kimi şeylər tikib getsə, nə qədər ki insanlar bu şeylərdən faydalanır, o zamanadək onlara öldükdən sonra da savab yazılar, o dünyada ruhlarını şad edər. Yaxud da birisi bu dünyada əxlaqsızlıq yuvası və bu kimi məkanlar yaradıb getsə, bu yerlərdə Allahın qanunlarına zidd hərəkətlər davam edənədək onun da ruhu incidilər, bu şeylərin cəzasını və əzabını çəkər. Elə isə özümüz də öz ruhumuzu şad edək!..

Ölüyə Quran oxumaq?
Doğrudanmı, ölülərə Quran oxumaq lazımdır? Nəzərdən qaçırmayaq ki, Qurani-Kərim ölülər üçün deyil, dirilər üçün nazil olub! Bu ilahi kitab ölüyə deyil, diriyə oxunmalı, mənası açıqlanmalı və ona əməl olunmalıdır. Quran bizim dünya və axirət həyatımızın səadət yolunu göstərən bir kitabdır. Və əlbəttə, bu kitabı, onun surələrini, ayələrini oxumaqda böyük savab var. Bəs bu savabdan dünyasını dəyişənlər üçün də bir pay göndərmək olarmı? Əbəttə ki olar! Sədəqə verib, savab qazanaraq, həmin savabı mərhumun ruhunun şad olması üçün töhfə etdiyimiz kimi, Quran oxuyub, onun savabını da mərhumun ruhunun şad olması üçün töhfə edə bilərik. Bu zaman Quran ölü üçün oxunmuş olmur, diri üçün oxunur. Sadəcə, Quran oxumaq savab iş olduğundan, həmin savabı dünyasını dəyişənlərin ruhunun şad olması üçün onlara ithaf etmiş oluruq. Bu zaman diri insanlar da faydalanır, dünyasını dəyişənlərin diri ruhları da!..

Ölü insan yuxuya girəndə nə etmək lazımdır?
lə bir insan tapmaq çətindir ki, indiyədək yuxusunda dünyasını dəyişən bir yaxınını, nənə-babasını, tanışını görməmiş olsun. Bunu da hardasa bir ruhani təmas hesab etmək olar. Bu zaman yaxşı olar ki, yuxudan oyandıqda dua edək, Allahdan onların ruhunun şad olmasını diləyək və imkan daxilində ehtiyaclı insanlara sədəqə verərək, bu savabı mərhuma töhfə edək. Dünyasını dəyişən yaxınlarımızı yuxuda görməkdən danışmışkən, «Karvan» jurnalının redaksiyasına həmvətənimiz Hamiyə Muradovanın ünvanladığı məktubdan yan keçə bilmədik. Gəlin birlikdə baş verən bu əhvalatla tanış olaq və aydınlıq gətirək:
«…Atam 12 ildir rəhmətə gedib. Keçən il bir yuxu gördüm: haradasa oturub qohumlarla söhbət edirəm, bu an qapılar açılır və atam içəri girir. Əlində balaca banka, içində marlaya bükülmüş sap, ilan qabığı, buynuz var idi. Bankanı mənə uzadan zaman gözündən bir damla yaş axdı və çıxıb gedəndə dala dönərək «gələrsən» deyib getdi… Yuxudan oyanan kimi qəlbimdən atamın qəbrini ziyarət etmək keçdi. Bir gün dayım oğlu və bacımla birlikdə atamın qəbri üstünə getdik. Atamın qəbrini təmizləyəndə qəbrin ayaq tərəfində bir çala gördüm. Əlimi deşikdən içəri saldım. Gözlərimə inanmadım! Atam yuxuda mənə nə vermişdisə, bankadan da o çıxdı… Bu yaxınlarda yenə yuxu gördüm: atamın qəbrinin sağında əmisinin qəbri var. O qəbri təmizləyirdim, birdən qəbrin ağzı açıldı, oradan işıq gəldi. Bu an arxamda atamın səsini eşitdim: «Get gir ora, ora sənin yerindir!». Mən isə «Yox, nə danışırsan, bura sənin əminin yeridir, oxu da başdaşını», - dedim. Ancaq başdaşına baxanda gözlərimə inanmadım, orada mənim adım, soyadım, doğum tarixim (23.06.1985) və ən dəhşətlisi - ölüm tarixim yazılmışdı - 30.03.2009-cu il. Atam məni itələyərək «İstəsən də, istəməsən də, bura sənin yerindir, keç gir ora…», - dedi… O gündən bu yuxunun təsirindəyəm, elə bil başqa aləmdəyəm, durduğum yerdə ağlayıram. Yenə də qəbir üstünə getmək istəyirəm: özümdən asılı deyil, qəbiristanlıq məni çəkir. Özü də dəfələrlə olub ki, atam məni nə bəla gözləyirsə, öncədən yuxuma gələrək xəbərdarlıq edir. Halva çalmışam, Yasin də oxutdurmuşam. Bilmək istəyirəm: həqiqətənmi mən 30.03.2009-cu il tarixində öləcəyəm? Bu yuxum necə yozulur? «Karvan»dan cavab gözləyirəm.

Karvanın cavabı
Ölüm Allahın əlindədir. Heç bir insanın öz ölümünün necə baş verəcəyindən xəbəri yoxdur. Bu cür yuxular şeytanın vəsvəsəsi də ola bilər. Bəzi şeylər, məsələn, Qiyamət günü, insanların ölüm günü və digər məsələlər var ki, insanlar bunların zamanını bilə bilməz. Bunu ancaq Allah bilir. Sizin sədəqə verməyiniz məsləhətdir. Çünki belə bir hədis də var ki, sədəqə vermək insanı gözləyən bəlanın qarşısını alar. Hətta Allah-Təalanın qərarlaşdırdığı bəla olsa belə, sədəqə verdikdə, Allah bəlanı uzaqlaşdırar. Yuxu bəzən insanın xəyalları ilə də əlaqədar olur. Belə ki, insanın xəyalında qurduğu şeylər, arzular onun yuxusuna təsir edə bilər. Sizin belə yuxu görməyiniz atanızı çox istəməyinizin təzahürüdür. Narahat olmağa heç bir lüzum yoxdur. Gördüyünüz yuxunu unutmağa çalışın və hər şeyin ancaq yaxşı olacağına ümid edin./Karvan/

qizlar ucun maraqli bir test size teqdim edirem

yeni-heyat — Thu, 16 Oct 2008 15:25:30 GMT

Qizlar ucun maraqli bir test

Sualları cavablandırn və hansı variantı neçə dəfə seçdiyinizi yadda saxlayın.

1 - İdeal kişi sizcə necədir?
a- Uzun boylu, əsmər, sirrli
b- Komik, comərd, ağıllı, cazibədar

2 - Ayrıldıqdan sonra ilk reaksiyanız nə olar?
a- Niyə həmişə eyni tip moronla çıxıram!
b- Mənə görə deyilmiş

3 - Yeni bir əlaqəyə başlarkən
a- Ehtirasla qaçarsınız
b- İşləri mümkünlüyünə buraxaram

4 - Özünüzə ən çox hansı sualı soruşarsınız?
- Məni həqiqətən sevirmi?
- Onu həqiqətən sevirəmmi?

5 - Üç həftədir onunlasınız və bütün həftə sizi axtarmadı.
a- Özünüzü tərk edilmiş hiss edərsiniz.
b- O biri gələn həftə qədər gözləyərsiniz.

6 - Yoldaşlarınız kişi yoldaşınız haqqında nə düşünür?
a- Onunla heç dolana bilmirlər və məni onun haqqında xəbərdar edirlər.
b- Ümumiyyətlə onunla yaxşı yoldaşlıq qururlar??

7 - Ayrılma səbəbiniz ən çox nə?
a- Çox asılısınız.
b- Bağlanmağa qorxur.

8-İş əlaqələrə gəlincə bəzən özünüzü bir qurban olaraq görərsinizmi?
a- Bəli
b- Xeyr

NƏTİCƏLƏR:

Ən çox A variantini seçənlər:

Etiraf etməsi çətin amma gerçək budur ki, caresiz haldasiz və eyni səhvləri edib dayanırsınız və həmişə xəyal qırıqlığına uğrayırsınız, sizi incidəcək biriylə tanış olmusunuz, amma işlərin belə getməsindən siz də qismən məsulsunuz, çaxnaşmaya qapılmayın, niyə/səbəb hamı/həmişə belə olur deyə özünüzə problem/sualın və həllinin çətin olmadığını oxuyun..

Ən çox B variantini seçənlər:

Təbriklər! Doğru yoldasınız, keçmişdəki eşqlə əlaqədar səhvlərinizdən dərslər al/götürmüsünüz və eyni səhvləri təkrarlamırsınız, beləcə eyni bədbəxt vəziyyətlərlə qarşılaşmırsınız, nə istədiyinizi bilir, daha əhəmiyyətlisi nə istəmədiyinizi də bilirsiniz, doğru adamı bulana qədər fərqli tip kişilərlə çıxmaqdan qorxmursunuz.

Berti Foqts: "Azərbaycanın çox yaxşı milli komandası olacaq"

yeni-heyat — Thu, 16 Oct 2008 14:17:53 GMT

Berti Foqts: "Azərbaycanın çox yaxşı milli komandası olacaq"
Azərbaycan A milli komandasının baş məşqçisi Bəhreyn matçından sonra AFFA-nın rəsmi saytına açıqlama verib

Finlandiya yığmasına məğlub olmasına baxmayaraq, komanda qısa müddət ərzində toparlanmağı bacardı və bunun nəticəsi olaraq Bəhreyn millisinə qalib gələ bildi". Bu sözləri Bəhreynlə keçirilən matçdan sonra AFFA-nın rəsmi saytına açıqlamasında milli komandanın baş məşqçisi Berti Foqts bildirib. Ümumi götürdükdə, təlim-məşq toplanışından və keçirilən oyunlardan razı qaldığını bildirən Berti Foqts, Finlandiya millisinə məğlub olmağın onu qane etmədiyini qeyd edib. Amma buna baxmayaraq, finlərlə oyunda komandamızın fiziki hazırlığının yaxşı olmasını sevindirici hal kimi qiymətləndirib.

lman mütəxəssis komandadakı gənc oyunçuların oyunundan razı qaldığını bildirib: “Emin Cəfərquliyevi adət etmədiyi mövqedə oynatsam da, etimadı doğrulda bildi. Vaqif Cavadovun oyununu xüsusi qeyd etmək istəyirəm. O, yaxşı futbolçu ola biləcəyini bir daha sübut etdi. Rəşad Sadıqovun, qapıçımız Kamran Ağayevin, Elvin Məmmədovun çıxışından çox xoşum gəldi. Ümumiyyətlə, futbolçularımdan razıyam və bir daha bildirirəm ki, Azərbaycanın çox yaxşı milli komandası olacaq.”

Berti Foqts, Bəhreyn millisi ilə matçda qırmızı vərəqə alaraq meydandan qovulan Rail Məlikovun yaxşı futbolçu olduğunu bildirib: “Rail kimi futbolçularla işləmək mənə xüsusi zövq verir. Əlbəttə, elə məqamlar var ki, gərək soyuqqanlı davranasan. Bir şeyi qeyd edim ki, Rail çox yaxşı futbolçudur və bəlkə də heç özü nə dərəcədə yaxşı futbolçu olduğunun fərqində deyil”. Futbolun inkişafı üçün gənc futbolçulara şans verilməli olduğunu bildirən B.Foqts, Araz Abdullayev və Emin Cəfərquliyevin milliyə dəvət olunan sonuncu gənclər olmayacağını da vurğulayıb./ANS PRESS/

Bakıda “İslamofobiya və ksenofobiyanın müxtəlif növləri” mövzusunda beynəlxalq konfrans keçiriləcək

yeni-heyat — Thu, 16 Oct 2008 14:11:43 GMT

Bakıda “İslamofobiya və ksenofobiyanın müxtəlif növləri” mövzusunda beynəlxalq konfrans keçiriləcək
Konfrans gənclərlə iş vasitəsilə islamofobiya, antisemitizm və dinə əsaslanan digər ayrıseçkilik formalarını müzakirə etmək və birgə addımları müəyyən etmək məqsədilə keçirilir

4-8 noyabr tarixlərində Bakıda dini fərqlilikdən kənar devizi altında “İslamofobiya və ksenofobiyanın müxtəlif növləri: gənclərə təsiri və qarşısının alınmasında gənclərin fəaliyyəti” mövzsunda beynəlxalq konfrans keçiriləcək. Konfrans gənclərlə iş vasitəsilə islamofobiya, anti-semitizm və dinə əsaslanan digər ayrıseçkilik formalarını müzakirə etmək və birgə addımları müəyyən etmək məqsədi ilə Gənclər və İdman Nazirliyi Avropa Şurası, İSESCO, Avropa Gənclər Forumu və “Dialoq və Əməkdaşlıq Uğrunda” İslam Konfransı Gənclər Forumu tərəfindən təşkil edilir. Gənclər və İdman Nazirliyinin mətbuat xidmətindən verilən məlumata görə, konfrans zamanı iştirakçılar islamofobiya, anti-semitizm və dinə əsaslanan digər ayrıseçkilik formalarının reallıqlarına aid təcrübələrini bölüşəcək, ayrıseçkilik formalarına qarşı gənclər tərəfindən istifadə edilən metod və təcrübələri tədqiq edəcək, Avropada və ondan kənarda dini zəmində baş verən ayrıseçkiliyin ümumi məzmunu və ayrı-ayrı hallarını təhlil edəcək, gənclər təşkilatları və institutları arasında gələcək əməkdaşlığın, birgə layihələrin inkişafının və gənclər şəbəkəsinin dəstəklənməsi yollarını öyrənəcəklər.
O cümlədən, partnyor təşkilatların mədəniyyətlər və dinlərarası dialoquna töhvə kimi gənclər tərəfindən davamlı şəkildə mədəniyyətlər və dinlərarası dialoqun aparılması üçün müvafiq fəaliyyətlər və tədbirlər müəyyənləşdiriləcək. Proqrama əsasən “reallıqların bölüşdürülməsi və vəsiyyətin xəritəsi”, “Din, dinə və ya inanclara əsaslanmış ayrıseçkilik və insan hüquqları”, “gənclər siyasəti və gənclərlə iş sahəsində dini zəmində ayriseçkiliyə qarşı cavabdehlik” mövzuları üzrə panel iclaslar olacaq və aşağıdakı işçi qruplarda birgə fəaliyyət üçün təkliflər nəzərdən keçiriləcək: Din, mədəniyyət və özünüdərk; Din, dinə və ya inanclara əsaslanmış ayrıseçkilik və gender bərabərliyi; Söz azadlığı və din azadlığı; Qərəzli mövqe və stereotiplər: media və təhsil; Din və insan hüquqları; Gənclər siyasəti və gənclərlə iş arasında sinerjiya; Dinc yanaşı yaşamaq, icmanın formalaşması və miqrasiya;
Gənclər və ekstremizm./ANS PRESS/

İtalyanlar kosmosdan görünən dovşan düzəldiblər

yeni-heyat — Thu, 16 Oct 2008 14:06:01 GMT

İtalyanlar kosmosdan görünən dovşan düzəldiblər
Məqsəd - daha çox turist cəlb etməkdir

İtalyanlar maraqlı bir turizm layihəsinə imza atıblar. Alp dağlarının ən hündür zirvələrindən birində dünyanın ən böyük dovşan formalı heykəli hazırlanıb. Çəhrayı rəngdə olan bu dovşanı hətta kosmosdanda görmək mümkün olacaq. Turist cəlb etmək məqsədi ilə hazırlanmış dovşan yerə uzanmış haldadır və sukeçirməz, yumşaq materialdan düzəldilib. Dovşan 2025-ci ilə kimi qoyulduğu ərazidə qalacaq. /ANS PRESS/