19 yaşlı qızlardan ibarət futbol üzrə milli komandamız Çexiyanı məğlub etdi

Avropa çempionatının seçmə mərhələsinin 6-cı qrupunda mübarizə aparan 19 yaşlı qızlardan ibarət futbol üzrə Azərbaycan U-19 milli komandası bu gün qrupda ilk matçını keçirib. Zabrat qəsəbə stadionunda Çexiya futbolçuları ilə qarşılaşan millimiz 2:1 hesabı ilə qalib gəlib. Komandamızın qollarını Nelli Qarayeva və Nərminə Rzayeva rəqib qapısından keçirib. Komandamız qrupdakı növbəti matçını sentyabrın 27-də Tofiq Bəhramov adına Respublika stadionda Finlandiya millisinə qarşı keçirəcək. Qeyd edək ki, 6-cı qrupda milli komandamızla yanaşı Çexiya, Finlandiya və Şimali İrlandiya U-19 milli komandaları da mübarizə aparır. /ANS PRESS/