"Mançestr Yunayted" dünyanın ən yaxşı komandasıdır
Beynəlxalq Futbol Tarixi və Statistikası Federasiyası dünya ölkələrinin futbol klublarının sentyabr ayı üçün reytinqini açıqlayıb

Beynəlxalq Futbol Tarixi və Statistikası Federasiyası (İFFHS) dünya ölkələrinin futbol klublarının sentyabr ayı üçün reytinqini açıqlayıb. Klubların son bir ildə oynadığı rəsmi matçların nəticələrinin də nəzərə alındığı siyahıya ötən ayda liderlik edən İngiltərənin "Mançester Yunayted" 267 xalla 1-ci pillədəki yerini qoruyub. Ötən ayla müqayisədə 1 pillə irəliləyən "Çelsi" 267 xalla ikinci pillədə qərarlaşıb. Ötən ayla müqayisədə 1 pillə geriləyən “Barselona” 259 xalla 3-cü pillədə qərarlaşıb. Türkiyə klublarından ötən ayla müqayisədə 3 pillə irəliləyən “Fənərbaxça” 196 xalla 15-ci, 9 pillə irəliləyən "Qalatasaray" 56-cı, 18 pillə irəliləyən "Beşiktaş" isə 58-ci pillədə qərarlaşıb. Braziliyalı mütəxəssis Artur Zikonun baş məşqçsi olduğu Özbəkistanın "Bunyodkor" klubu 12 pillə irəliləyərək 75-ci pillədə qərarlaşıb.