Roberto Karlos “Real Madrid” rəhbərliyini tənqid edib

"Robiniyonun "Real Madrid"də yaşadıqlarının eynisini mən də yaşamışam"

Türkiyənin "Fənərbaxça" klubunun braziliyalı futbolçusu Roberto Karlos, İspaniya mətbuatına açıqlamasında “Real Madrid” rəhbərliyini tənqid edib. Braziliyalı futbolçu, Robiniyonun transfer pəncərəsinin son günündə İngiltərənin “Mançestr Siti” klubuna keçməklə doğru qərar veridiyini bildirib. ''Robiniyonun Real Madriddə yaşadıqlarının eynisini mən də yaşamışam. Müqaviləmi 2 il artırmaq istəyirdim, amma mənə yalnız 1 illik müqavilə təklif etdilər. Robiniyo klubun adından müstəqil qərar verib, komandanı tərk etməklə yaxşı iş görüb”, deyə Roberto karlos açıqlama verib. Roberto Karlos, Robiniyonun 2 il ərzində dünyanın ən yaxşı futbolçusu olacağını da iddia edib. /ANS PRESS/