Devid Bekhemin evindən oğurlanan əşyalar eBay internet satış şəbəkəsi vasitəsilə satışa çıxarılıb
Bu barədə Bekhemlər ailəsinə Devidin həyat yoldaşı Viktoriyanın zinət əşyaları və paltarları tanıyan qohumları xəbər verib

İngilis futbolçusu Devid Bekhem və həyat yoldaşı müğənni Viktoriyanın evindən oğurlanan paltarlar və zinət əşyaları eBay internet satış şəbəkəsi vasitəsilə hərraca çıxarılıb. Hadisə ilə bağlı evdə oğurluq edən cütlük saxlanıb. Türkiyənin "Milliyyət" qəzetinin yazdığına görə, Viktoriya Bekhemın İngiltərədə yaşayan ailəsi, eBay-də satılan zinət əşyaları və paltarları tanıyaraq cütlüyə xəbər verib. Satılan əşyaların evdə olmadığını görən Viktoriya və Bekhem isə polisə xəbər veriblər. Polis eBay nümayəndələri ilə əlaqə quraraq əşyanı satan bir qadın və kişi barədə informasiya əldə edib. Məlum olub ki, saxlanılan şəxslər Devid və Viktoriya Bekhemlərin evində işləyən qulluqçulardır. /ANS PRESS/