XII Pekin Yay Paralimpiya Oyunlarında Azərbaycan idmançıları daha bir qızıl medal qazanıblar. Kürəatma yarışlarında mübarizə aparan Oluxan Musayev iki dəfə dünya rekordunu təzələməklə Pekin paralimpiya oyunlarının qızıl medalını qazanıb. Paralimpiadanın 9-cu oyun günündə mübarizə aparmış digər idmançımız Vüqar Mehdiyevin də uğurlu çıxış edib, həmyerlimiz 200 metr məsafəyə qaçışda 22,19 saniyəlik nəticə ilə 3-cü yeri tutub və final mərhələsinə vəsiqə qazanıb. Final yarışı isə bu gün baş tutacaq. Paurliftinq yarışlarında çıxış etmiş 90 kq çəkili idmançımız Elşən Hüseynov isə mükafatçılar arasına düşə bilməyib. İlk iki cəhdə 190 kq-lıq ağırlığı ram edə bilməyən Elşən, yalnız sonuncu şansda bunun öhdəsindən gəlməyi bacarıb. Amma, bu yekunda idmançımızın 5-ci olmasına gətirib çıxarıb. Həmçinin atletika yarışlarında iştirak etmiş estafet komandamız da ümüdləri doğrultmayıb. Bu gün daha iki idmançımız, ağır çəkili paurliftinqçilərimiz, Mehman Ramazanzadə və Məhərrəm Əliyev da mübarizəyə qoşulacaq. Hazırda aktivində 2 qızıl, 3 gümüş və 4 bürünc medal olan Azərbaycan komandası 36-cı mövqedə qərarlaşıb. qeyd edek ki Vüqar Mehdiyev 200 metr məsafəyə qaçışda uğurla çıxış edərək Pekin Paralmpiya Oyunlarının bürünc medalını qazanıb.Qeyd edək ki, aktivində 2 qızıl, 3 gümüş və 5 bürünc medal olan Azərbaycan komandası 37-ci mövqedə qərarlaşıb / ANS-PRESS/