Azərbaycanın olimpiya çempionları üçün xüsusi olimpiya təqaüdünün məbləği isə 1000 manata çatdırılıb
Prezident İlham Əliyev, XXIX Pekin Yay Olimpiya Oyunlarının çempionu Elnur Çingiz oğlu Məmmədliyə Azərbaycan Respublikası Prezidentinin xüsusi olimpiya təqaüdünün verilməsi haqqında sərəncam imzalayıb.
Dövlət başçısının digər sərəncamı ilə “Azərbaycanın olimpiya çempionları üçün Azərbaycan Respublikası Prezidentinin xüsusi olimpiya təqaüdünün təsis edilməsi haqqında” Azərbaycan Respublikası Prezidentinin 2002-ci il 10 oktyabr tarixli 798 nömrəli Fərmanında dəyişiklik edilib. Təqaüdün məbləği 750 manatdan 1000 manata çatdırılıb./ANS PRESS/